Kroacia zhvilloi një ndeshje fantastike përballë Anglisë duke siguruar një biletë për në finalen e madhe të Botërorit. Por ajo që bëri përshtypje në fundin e takimit ishte se nuk u zgjodh Modric lojtari i ndeshjes, as Rakitic. Ishte sulmuesi anësor i Interit, Ivan Perisic ai që shkëlqeu në këtë sfidë me një gol dhe një asist. “Për mua, Ivan është lojtari më i mirë në Evropë në këtë pozitë. Nëse ai funksionon, funksionon edhe Kroacia” , deklaroi legjenda kroate Mladen Petric.
Ai është një lojtar i kompletuar dhe mund të bëhet i rrezikshëm edhe në një moment të vështirë, gjuan me të dyja këmbët dhe është mjaft i shpejtë. Pas kualifikimit në finale Perisic ndaloi para gazetarëve dhe iu përgjigj të gjitha pyetjeve, ku tregoi për momentin e mrekullueshëm që ishin duke kaluar. Por kur një gazetar francez e pyeti për fermën e pulave, kroati nuk dha përgjigje dhe u largua. Ajo fermë pulash është kapitulli më i vështirë në jetën e tij dhe lidhet që me hapat e para në karrierën e Perisic.
Kroati në fëmijëri cilësohej nga shokët si “koka”, që do të thotë “pulë”, por kjo nuk përbënte asnjë problem për Ivan. Familja e tij kishte një fermë pulash dhe ai ishte gjithmonë i gatshëm për ti ndihmuar, pasi ishte e vetmja mënyrë si ata të fitonin para për mbijetesën.
Ashtu si shumë lojtarë profesionistë, Perisic pëlqen të luajë futboll që nga fëmijëria. Sa herë që ka kohë të lirë, Ivan merrej me topin. Ai iu bashkua ekipit vendas Hajduk Split, ku shpërtheu dhe u zbulua së pari talenti i Perisic.
Në moshën 17 vjeçare Perisic u largua nga klubi i tij i vendlindjes Hajduk Split për në Francë tek Sochaux. Familja e tij duhet të merrjte para borxh dhe të shiste disa sende personle që të plotësonte paratë për të kompletuar me pajisjet që i nevojiteshin Ivanit. Babai i tij i kërkoi të birit të nënshkruante në Francë dhe me pagën e parë profesionale të Perisic, kreu i familjes shpresonte të shpëtojë fermën.
Që nga ai moment Perisic shpërtheu dhe u kthye në nje emër të lakuar nga ekipet gjigante të Europës, ndërsa tani është duke luajtur në finalen e Kupës së Botës dhe për ironi kundër Francës, aty ku mori rrogën e parë si profesionist. “Askush nuk mund të jetë më i lumtur se unë për të luajtur kundër Francës në finale” thotë ai.
Po ashtu vlen të theksohet se pulat janë të ndaluara në stadium. Kur tifozët e Nigerisë donin të sillnin pula të ngjyrosura në ndeshjen kundër Kroacisë para fillimit të Kupës së Botës, ata u ndaluan. Nigeria humbi me rezultat 0-2 dhe tani Kroacia është ne finale. Kjo skuadër u lavdërua madje edhe nga vet trajneri i Anglisë: “Për të mbijetuar tri herë në shtesë të ndeshjeve dhe për ta arritur finalen, ka të bëj e gjitha me skuadrën. Këta janë luftëtarë të vërtetë” .
