Reperi Stresi është më i dashuruar se kurrë dhe këtë e dëshmon hapi i fundit i ndërmarrë prej tij. Arkimed Lushaj, i njohur ndryshe si Stresi, i ka dhënë fund beqarisë, duke u fejuar me dashurinë e jetës së tij. Lidhjen me partneren e tij Kejsin, ai e kishte bërë publike prej kohësh.
Madje, në një emision, Stresi pohoi se Kejsin ia kishte ‘dorëzuar’ e ëma që ta ruante nga ngacmimet e jashtme, meqenëse ai ishte i njohur për natyrën e tij mbrojtëse dhe, për më tepër, gjithmonë i gatshëm për t’u hedhur në sulm nëse ishte fjala për sherre.
Por, duket se ata janë dashuruar prej 3 vitesh, lidhje që vazhdoi edhe jashtë. Në një postim në Instagram, Stresi ka publikuar momentin e veçantë të shkëmbimit të unazave, teksa shkruan:
“Ndjenjë shumë e veçantë, s’mund ta përshkruaj, s’kam fjalë…”
Të gjithë presin që Stresi të bëjë publike detajet e dasmës, e cila, siç ka thënë ai, nuk do të vonojë, por do të jetë shumë private, vetëm me miq të ngushtë e familjarë.
