Të jesh personazh mediatik, duhet të përballesh edhe me lajmet e rreme. Ka nga ata të cilët i kalojnë me shumë sportivitet, sikundër edhe ata personazhe të cilët reagojnë menjëherë. Moderatorja Eni Vasili i është rikthyer edhe një herë një lajmi që qarkulloi vite më parë, në lidhje me një fejesë me konsullin e Rumanisë.
Në 2011, ajo nuk e përgënjeshtroi këtë lajm, por e ftuar së fundi në emisionin e Rudina Dembacajt, Eni ka zbuluar të gjithë të vërtetën. Sipas saj, gjithçka ka qenë një sajesë gazetash, e publikuar pas një interviste që ajo kishte kryer me konsullin.
“Ka qenë një budallallëk gazetash. Nuk e di, doli nëpër Tiranë. Filloi të flitej për këtë gjë. Kisha bërë vetëm një intervistë me konsullin e Rumanisë në Tiranë, dhe një mëngjes zgjohem dhe mamaja ime me thotë; ka dalë një gjë në gazetë. Por nuk ka qenë e rëndësishme, s’ka patur asgjë të vërtetë. Nuk u lodha as ta përgënjeshtroja, nuk ia vlente”.
