Federata Suedeze e Futbollit ka dalë në njoftim zyrtarë për çështjen Zlatan Ibrahimoviç. Ata kanë vendosur që gjiganti suedez, sulmues aktual i Los Angeles Galaxy në MLS nuk do të përfshihet në listën e të grumbulluarve nga trajneri Andersson për “Botërorin Rusi 2018”.
Ibra u tërhoq nga kombëtarja në qershor të vitit 2016. Një vit më parë pësoi një dëmtim të rëndë në ligamentet e gjurit, ndërsa pak javë më parë prishi kontratën me “Djajtë e Kuq” për t’iu bashkuar skuadrës kaliforniane, Los Angeles Galaxy.
Kohët e fundit e kishte lënë ta hapur mundësinë e rikthimit në kombëtare për të marrë pjesë në Botëror, një iniciativë kjo e bërë publike prej tij pa u konsultuar me trajnerin e Suedisë apo me drejtuesit e federatës, të cilët vendosën përfundimisht mosgrumbullimin e tij në Botëror.
