Juventusi mposhti Milanin në fundjavë mes shumë polemikash me rezultatin që përfundoi 2-1. Ishte gjyqtari kryesor i ndeshjes, Michael Fabbri, i cili u kritikua shumë pas ndeshjes së të shtunës, ku bëri disa gabime të rënda në dëm të kuqezinjve.
Fabbri nuk ia dha Milan një penallti, ndërkohë që as VAR nuk zbuloi ndërhyrjen Mario Mandzukic në Alessio Romagnoli në fundin e takimit.
La Repubblica raporton se ndaj arbitrit 35-vjeçar do të merren këto masa: Fabbri nuk do të drejtojë asnjë ndeshje në Serie A në dy javët e ardhshme dhe nuk do të gjykojë Milanin deri në fund të sezonit.
https://youtu.be/hnOw1era2-g
Ky vendim vjen pas një takimi midis trajnerëve, kapitenëve dhe gjyqtarëve në zyrat e Ligës Serie A të hënën në mëngjes.
