Partizani ka kaluar në avantazh të dyfishtë përballë Teutës në ndeshjen e javës së 7 të Superiores e cila po zhvillohet n “Selman Stërmasi”. Të dy golat mbajnë firmën e të njëjtit autr dhe është Jasir Asan.
Partizani kaloi në avantazh në minutën e 29’ të takimit, ku Asani ekzekutoi një goditje dënimi nga jashtë zone, topi fillimisht preku murin mbrojtës për të përfunduar në portë, duke u bërë i pamundur për portierin Hidi.
Gjithashtu, në minutën e 42’ ka qenë përsëri Jasir Asani që ka dyfishuar shifrat, pasi Hila arriti t’i rrëmbejë topin në perfeksion Avdylit dhe pasi te Asani, i cili tundi rrjetën nga e djathta. Ndërkohë, edhe Teuta kërkoi që të bëjë diçka, por të gjitha tentativat kanë dështuar.
