Një familje shqiptare, u vendos në Rennes, tek qendra e paraburgimit Retention Administratif (CRA). Ajo kaloi një natë në qendrën e paraburgimit. Dy prindërit dhe djali i tyre 6-vjeçar, kaluan një natë në qendër. Familja ka kërkuar të lirohet nga aty.
I ulur në zyrën e gjyqtarit, në Gjykatën e Qarkut të Rennes, Diorli qëndronte pranë prindërve të tij, raporton media franxeze ouest-france.fr.
Ata qëndruan vetëm 24 orë në qendrën administrative të burgimit në Rennes (CRA). “Nuk isha mirë,” tha fëmija. “Unë nuk kam fjalë, jam i shqetësuar”, shtoi mes lotëve Forcimi, babai i tij. “Është e vështirë të jesh me një fëmijë në paraburgim, është si në burgu”, tha më tej ai.
Prefektura e ka dëbuar
Të martën, më 30 tetor, familja u mor nga Tours, aty ku jetonte. Ajo u dërguan në CEN Rennes me kërkesë të Prefekturës së Indre-et-Loire. Familja është vendosur aty që të dëbohet për në Shqipëri.
Ata kanë jetuar në Francë për një vit dhe kërkesa e tyre për azil është hedhur poshtë nga Zyra Franceze për Mbrojtjen e Refugjatëve dhe Personave Pa Shtetësi (Ofpra) dhe Gjykatës Kombëtare të Azilit (Cnda).
Këtë të mërkurë, organizatat për të drejtat e njeriut kanë kërkuar lirinë e familjes. “Prefektura e Indre-et-Loire nuk e ka parë mirë situatën e familjes”, thonë ata. Avokati i tyre ankohet: “Ata ishin nën arrest shtëpie, por nuk e dinin”.
“Do të shkojë në shkollë”
Familja dëshiron që çështja e tyre të rishqyrtohet nga Cnda. “Po kthehemi në Tours me tren. Ne duam të qëndrojmë në Francë, sepse jemi kërcënuar në Shqipëri. Familja ime do të ishte në rrezik atje. Diorli, duke marrë pjesë në CE1, dëshiron të “kthehet në shkollë”, tha babai i tij. “Bëra miq dhe më pëlqente të luaja futboll me ta”, tha vogëlushi.
Reagimet
Shoqatat në mbështetje të emigrantëve kanë reaguar ndaj paraburgimit të familjes. “Prefektura e Indre-et-Loire zgjedh pushimet shkollore për të sfiduar, mbyllur dhe dëbuar një familje me fëmijën e saj vetëm 6-vjeçar. Shoqatat po luftojnë kundër vendosjes në paraburgim të të miturve. Në qendrat e paraburgimit, fëmijët janë të ekspozuar ndaj një mjedisi jashtëzakonisht të dhunshëm. Shoqata gjithashtu kujton detyrimin për të mbrojtur dhe kujdesur për të rinjtë në rrezik. Një fëmijë 6-vjeçar në një qendër burgimi në Rennes është jashtëzakonisht një rast i rrallë,” shton avokati i familjes. /Përshtati: Tirana Today/
