Shumica e shqiptarëve po largohen nga vendi për një jetë më të mirë, për shkak të përkeqësimit të kushteve ekonomike.
Të njëjtën rrugë ka ndjekur edhe një grua e re nga Vlora, e cila po lë Shqipërinë sëbashku me dy vajzat e saj.
Sipas Elisabetës në Shqipëri nuk mund të ndërtosh jetën, pasi ekonomia, arsimi dhe shumë gjëra të tjera nuk funksionojnë siç duhet, raporton TCH.
Njëra nga vajzat e Elisabetës, Enerida, shpreson se në perëndim do të ketë mundësi më të mira për shkollim, prandaj po largohet.
Ajo thotë: Nuk ka ekonomi dhe për këtë arsye po ndjek prindërit.
Ndërkohë bashkëshorti i Elisabetës është emigrant dhe për shtëpinë dhe familjarët kujdeset babai i tij.
Ky i fundit shprehet:
“Kam 5 fëmijë dhe asnjëri prej tyre nuk është këtu. Papunësia, fukarallëku, infrastruktura i detyron njerëzit që të largohen.”
Në pak vite, qyteti i Vlorës dhe fshatrat përreth, po braktisen në heshtje.
