Në fshatin Vajzë të Vlorës jeton mes varfërisë dhe skamjes familja e Niko Ahmetit. Këtë rast e ka publikuar sot kryeministri Edi Rama, i cili ka postuar një video në rrjetin e tij social “Facebook”.
Kryeministri, i shoqëruar edhe nga ministrja e Shëndetësisë Ogerta Manastirliu, kanë qenë në familjen e varfër ku ka parë nga afër kushtet e vështira ekonomike.
“Këtu është banesa që jetojmë. Këtu është banesa që jeton Niko Ahmetit me 5 fëmijët e tij. Pa drita, pa ujë, pa rrugë. Marr vetëm një ndihmë ekonomike prej 30-mijë lekësh. Ja këta janë familja ime”, shprehet kryefamiljari.
Rama: Po në shkollë keni vajtur ju?
Niko Ahmeti: Kanë mbaruar 9-vjeçaren.
Djali: Kisha dëshirë të filloja një shkollë profesionale, hidraulik.
Rama: Sa vite keni që banoni këtu?
Niko Ahmeti: 5-vjet.
Rama: Po më përpara ku keni banuar?
Niko Ahmeti: Kam banuar në fshatin Vajzë, atje ma zuri vendin i vëllai se isha në shtëpi të tij. Më thotë do të shkosh tek vendi i gjyshit. E jeta ime ka qenë pak me rrotullime.
Rama: Po këtu çfarë keni?
Niko Ahmeti: Atje ndërresat, disa rroba.
Rama: Ku flini, ku..?
Niko Ahmeti: Po ja sheshit, ja në shesh… Mundësitë e mia kaq janë. Kjo këtu është kuzhina, me llamarina. Këtu është vendi ku lan ndonjë rrobë gruaja.
Rama: Po vajzat shkojnë në shkollë?
Niko Ahmeti: Po vajzat shkojnë në shkollë.
Gruaja e Nikos: Shkojnë të dyja.
Rama: Këtu jeni larg nga të tjerët?
Niko Ahmeti: Jëmi larg nga fshati, gjitonë (komshinj) këtu rreth nuk ka. Fshati është atje më lart.
Rama: Do e shikojmë dhe do e gjejmë një mënyrë se si do t;iu ndihmojmë edhe për shtëpinë. Do ndihmojmë edhe djemtë. Do bëjmë edhe një plan për t’iu asistuar për të marrë një mbështetje për të bërë një blegtori të vogël. Do gjejmë një zgjidhje. Mirupafshim!
Niko Ahmeti: Hajt, rrugë të mbarë!/TIRANA TODAY/
