Dashuria e prindërit për fëmijën është e pakushtëzuar dhe këtë e vërteton më së mirë rasti për të cilin, ka në shkruar mediat italiane. Një histori e bukur është treguar nga një çift shqiptar që u bënë prindër të një vajze, e cila erdhi në jetë në spitalin “Santa Maria alla Gruccia”, do iu përlotë. Të dy prindërit e vogëlushes që erdhi në jetë jetojnë në Shqipëri. Gruaja edhe pse jetonte në Shqipëri kishte vendosur që vajzën ta sillte në jetë në shtetin fqinj.
“Familja e burrit tim jeton në Valdarno” – shpjegoi nëna e re. Vjehrra e kishte këshilluar nusen e saj që fëmijën ta sillte në jetë në spitalin Gruccia, pasi mjekët sipas saj janë shumë njerëzorë.
“Duhet të them se nuk jam fare e zhgënjyer për këtë zgjedhje. Kam ardhur në Montevarchi me dosjen dhe të gjitha dokumentacionet. Në ekon e fundit, gjinekologu shqiptar më këshilloi që të vija në Itali, pasi nuk kisha shumë lëng amniotik dhe fëmija nuk ishte rritur shumë. Kur lindi vajza, menjëherë kishte një dyshim se ajo erdhi në jetë me sindromën Doën, dhe u konfirmua nga ekzaminimi gjenetik “.
Një lajm ky që ka tronditur prindërit, por mjekët menjëherë i kishin bërë të gjitha ekzaminimet e nevojshme foshnjës. Çifti, plotësisht i vetëdijshëm, për sindromën Doën kishin bërë çdo që u ishte kërkuar nga ana e stafit mjekësor.
Foshnja reagoi pozitivisht ndaj të gjitha stimujve, dhe prindërit do të kthehen në Shqipëri në dhjetor.
“Ajo u shërua nga verdhëza dhe filloi të hante mirë. Unë e ndihmova me ushqyerjen me gji. Çrregullime kongjenitale për fat të mirë nuk ka dhe kjo e gjitha falë ekipit, sidomos Dr. Tafi, e cila i ka bërë çdo kontroll. Por unë jam e kënaqur me të gjithë stafin. Ata janë njerëzorë dhe profesionistë.
Unë shikoja se sa të kujdesshëm ishin ata dhe në sytë e tyre kishte dhembshuri, kur merrnin mostrat e gjakut nga një e porsalindur. Në një shtatzëni të mundshme në të ardhshme, do të vij të lind sërish këtu”, është shprehur nëna e re.
Një përvojë e madhe edhe për Luca Tafi dhe Stefania Mugnai. ” Kjo është një histori që ia vlen të bëhet film për të, për një sërë faktorësh të ndryshëm: rigoroziteti shkencor, afatet kohore të punës diagnostike, vëmendja me të cilën e kanë ndjekur të porsalindurën e brishtë të tjerët dhe prindërit , të cilët janë duke u përballur me një diagnozë të papritur që do t’i shoqërojë ata gjatë gjithë jetës së tyre. Kjo sinergji, deri më sot, ka nënkuptuar që të porsalindurit me këtë sindrom mund të bëjnë një jetë normale”.
“Pavarësisht nga befasia kur mësuam se ajo vuante nga ky sindrom, ne kemi po të njëjtën dashuri për vajzën”, janë shprehur prindërit e vogëlushes. ‘Gjëja që ne nuk e prisnim është dashuria që kemi marrë nga stafi mjekësorë”./TIRANA TODAY/
