Në shtëpinë e prindërve të Kostandinos Kaçifas ka pllakosur zia. Varrimi i 35-vjeçarit nuk do të bëhet sot, ndërkohë që trupin e tij të pajetë pritet ta marrë nga morgu konsulli grek, meqë ky i fundit ishte pjesë e minoritetit grek.
Ndonëse ai kishte lindur dhe ishte rritur në Bularat, Kaçifas i cili është edhe babai një vajze, jetonte prej kohësh në shtetin helen, ndërsa pak kohë më parë ishte divorcuar.
Dy motrat e tij prej kohësh jetonin në Athinë, ndërkohë që pas lajmit të kobshëm, ato shkuan pranë prindërve të tyre në Bularat, të cilët kanë hapur dyert e mortit.
