Ish-kryebashkiaku i Kavajës Elvis Roshi është dënuar me punë publike nga Gjykata e Lartë.
Gjykata e Lartë dha vendimin pas kërkesës së prokurorisë. Prokuroria fillimisht kërkoi 7 muaj dhe 15 ditë burg për Elvis Roshi. Ndërsa avokati mbrojtës, Maksim Haxhia ka kërkuar që burgosja të konvertohet në punë publike në dobi të komunitetit, për të cilën ra dakord edhe prokuroria.
Ai është shprehur dakord me kërkesën e prokurorisë, por që dënimi të konvertohet në punë publike.
Ish-kryetari i bashkisë së Kavajës akuzohet për falsifikim të formularit të dekriminalizimit. Ai ka pranuar akuzën duke qenë dhe vetë i pranishëm në gjykatë.
Roshi akuzohet gjithashtu edhe për përdhunim në grup gjatë kohës së qëndrimit të tij në Itali si emigrant, ku edhe është dënuar.
Gjithashtu, është ndaluar për dokumente të falsifikuara ndërsa ka ndërruar disa herë emrin e tij. Tre vende evropiane e kanë dëbuar Elvis Roshin duke pasur parasysh precedentët e mëparshëm. Ndërkohë që prokuroria saktëson se nuk të dhëna nga Italia, Zvicra dhe Gjermania për dëbimin e ish-kryebashkiakut.
TIRANA TODAY
