Pak ditë më parë, këngëtarja Albërie Hadërgjonaj tha publikisht se ajo nuk ka marrë pjesë në festivalin “Kënga Magjike”, përsa kohë aty garojnë këngëtarë si Aurela Gaçe apo Flori Mumajesi. Ajo e lidhte ngushtësisht fitoren e tyre, me krijimin e miqësive.
Sipas saj, këta të fundit kanë miq dhe këngë që i krijojnë vetë për kolegët, dhe rrjedhimisht marrin edhe pikët maksimale prej tyre. Por duke parë se deklarata e saj ‘u keqkuptua’, këngëtarja bëri një sqarim në Instagram, duke thënë se e gjithë ajo çfarë tha në emision lidhej me mospëlqimin që ajo ka ndaj mënyrës së votimit që aplikohet në festival.
Pas këtij qëndrimi, një reagim është përcjellë nga vetë Aurela Gaçe, që me gjasa mund të jetë një përgjigje për Albërien.
