Dy ditë më parë gjatë Komisionit të Edukimit, deputetja demokrate Ina Zhupa i hoqi mikrofonin me forcë Ministres së Kulturës, Elva Margariti.
Deputetja e PD-së ka sqaruar incidentin, ndërsa në fjalën e marrë sot në Kuvend tha se mikrofoni përdoret vetëm kur je në zbatim të rregullores, dhe jo në shkelje të saj.
Sipas saj, në rastin e ministres Margariti, po e përdorte mikrofonin në shkelje të rregullores.
“Në zbatim të rregullores së Kuvendit, mikrofoni në seanca dhe në Komisione përdoret kur je në zbatim të rregullores dhe jo në shkelje të saj. Në rastin e ministres Margariti, po përdorte mikrofonin në shkelje të rregullores, dhe në shpërdorim të interesit publik në Komision. Falë Zotit etikën e ruajta”, tha Zhupa.
