Shtyhet afati i aplikimeve për të gjithë studentët që duan të vijojnë studimet për master profesional dhe shkencor në fakultetin Histori-Filologji.
Kështu, afati i aplikimeve është shtyrë deri më 20 tetor, vendim ky që u mor pas mbledhjes së dekanatit, sipas udhëzimit numër 18 të datës 18 /8/2017.
Fakulteti Histori Filologji ofron gjithsej 1030 kuota për programet e nivelit të dytë master profesional dhe shkencor .
Të drejtën e studimit në programin master profesional në këtë fakultet, referuar kuotave të miratuara për vitin akademik 2017-2018, mund ta fitojnë 640 kandidatë si edhe 390 të tjerë në nivelin shkencor.
Të drejtën e aplikimit e kanë të gjithë ata studentë që kanë një diplomë të ciklit të parë bachelor ose një program të integruar të ciklit të dytë nga një universitet, i cili rezulton i akredituar.
Gjithashtu, studentët që kanë mbaruar studimet dhe janë diplomuar jashtë mund të bëhen pjesë e këtij fakulteti nëse kanë përfunduar njësimin e diplomës.
Shpallja e fituesve në programin master shkencor dhe profesional do të bëhet më datë 24 tetor 2017, ndërsa regjistrimi i fituesve do të zhvillohet nga data 27 deri në 30 tetor .
