Në një kohë rekord, pasi Gjykata e Tiranës caktoi masën “arrest me burg” 30 ditë për Ilias Sketirajn, protestuesin që tentoi të godasë me këpucë kryeministrin Rama te spitali i Traumës, një reagim ka ardhur nga Berisha.
Ish-kryeministri Berisha pretendon se dënimi i Sketirajt, është një proces i turpshëm stalinist. Ai shkruan më tej në Facebook, se protestuesi është heroi i mosbindjes civile.
Pas vendimit të caktuar ndaj Iliasit, bashkëshortja e tij, në një prononcim për “News 24”, ka treguar se ai ishte i revoltuar që kur në 2014-ën u dhunua barbarisht bashkë me fëmijët e saj nga punonjësit e policisë.
“Policia më ka dhunuar në mënyrë barbare burrin dhe fëmijët që në 2014. Burrit i thyen krahun, kurse fëmijët i gjakosën e u shkaktuan fraktura në fytyrë. Kur shkuam në spital, ata kishin zhdukur kartelat e fëmijëve”, shprehet gruaja, e cila e dëshmon edhe me foto të fëmijëve të lënduar.
“Kemi mbi 20 vjet në këtë zonë. Kemi paguar taksa, dhe jemi në proces legalizimi. Do ta mbrojmë me gjak shtëpinë. Do i mbrojmë me gjak, do japim edhe jetën”.
https://tiranatoday.com/kryeministrin-me-kepuce-burg-autorit/
