Emmanuel Macron ka mposhtur kandidaten rivale Marine Le Pen në balotazhin e zgjedhjeve presidenciale në Francë, që u mbajt sot.
“Exit-poll”-et e realizuara nga Ipsos, Ifop dhe BVA kanë parashikuar fitore bindëse të kandidatit të pavarur Emmanuel Macron ndaj udhëheqëses së Frontit Kombëtar, ekstremistes së djathtë, Le Pen.
Macron ka marrë më shumë se 60 për qind të votave, sipas anketave të realizuara me votues menjëherë pas mbylljes së vendvotimeve.
Përqindja e pjesëmarrjes në turin e dytë të zgjedhjeve presidenciale në Francë, që ka përballur në balotazh kandidatin e qendrës, Emmanuel Macron dhe kandidaten e ekstremit të djathtë, Marine Le Pen, arriti në 65,3 për qind në orën lokale 17:00, një rënie në raport me turin e parë të zgjedhjeve presidenciale ku pjesëmarrja ishte 69,42 për qind, njoftoi Ministria e Brendshme.
