Mançester Junajtid vazhdon kërkimin për lavdinë europiane sonte në mbrëmje, duke dalë përballë skuadrës spanjolle Granada në ndeshjen e parë të çerekfinaleve të Europa Ligë të këtij sezoni.
Pasi u eleminua nga Kupa FA nga Leicester dhe me Mançester Siti në prag të sigurimit matematikor të titullit të Premier Ligë, Europa Ligë përfaqëson shansin e vetëm të mbetur për Junajtidin në këtë sezon teksa Ole Gunnar Solskjaer kërkon të marrë trofeun e tij të parë që nga marrja e klubit.
Junajtid mundi gjigantët italianë Milanin në raundin e mëparshëm për të arritur në këtë fazë, ndërsa Granada, e cila aktualisht është e nënta në LaLiga, mundi ish-klubin e Solskjaerit, Molden me rezultatin 3-2 në total, pavarësisht humbjes së ndeshjes së dytë të fazës së 1/16-ave.
Ky do të jetë takimi i parë midis dy ekipeve. Në fakt, Granada nuk është përballur kurrë me një kundërshtar anglez në një ndeshje zyrtare.
Formacionet e mundshme:
Granada: Silva; Vallejo, Duarte, Sanchez, Diaz; Gonalons, Eteki; Kenedy, Herrera, Machis; Soldado
Junajtid: De Gea; Wan-Bissaka, Lindelof, Maguire, Shaw; Fred, Pogba; Greenwood, Fernandes, James; Cavani
