Europa League/Strakosha vazhdon aventurën, pa fat Hysaj dhe Ajdareviç

Kanë përfunduar 9 takimet e para të Europa League dhe janë përcaktuar ekipet e para që do të vazhdojnë në fazën tjetër. Lokomotiva e Moskës, Atletiko e Madridit, Dinamo Kiev, Lacio, Plzen, Sportingu i Lisbonës, Lion, Zenit dhe Lajpcig, janë 9 skuadrat e kualifikuara për të raundin tjetër.

Lacio e Thomas Strakoshës, ka arritur të shkëlqejë në shtëpi, duke përmbysur diavantazhin në takimin e parë, përballë Steuas së Bukureshtit në Rumani. Skuadra e Inzagit, u “hakmor” pas asaj humbje duke fituar me rezultatin 5-1.

Eliminim i hidhur edhe për Napolin e Elseid Hysaj. Pavarësisht fitores së sotme 0-2 ndaj Lajpcigut, skuadra e mbrojtësit shkodran nuk arriti t’ia dilte, për shkak të humbjes 1-3 në shtëpi, në sfidën e parë. Hysaj e nisi ndeshjen e sotme nga stoli, dhe u hodh në fushë nga trajneri Sarri në minutën e 86-t.

Nuk i ka buzëqesh fati as AEK-ut të Astrit Ajdareviç. Skuadra e mesfushorit të Kombëtares shqiptare është eliminua nga ukrainasit e Dinamos së Kievit, pas barazimit 0-0. Në sfidën e parë, të luajtur në Athinë, AEK-u arriti të barazonte, 1-1, falë golit të Ajdarviçit.