Eurodeputetja e parë shqiptare, nis mandatin e saj në Parlamentin Evropian

Arba Kokalari, Eurodeputetja e parë shqiptare në Parlamentin Evropian, ka filluar sot zyrtarisht punën e saj si anëtare në parlament.
Këtë gjë, ajo e ka bërë të ditur nëpërmjet një postimi në Facebook, ku shprehet se sot është bërë zyrtarisht pjesë e parlamentit dhe se para vetes ka punë të vështirë për të bërë, duke premtuar kështu se do jetë zëri i Suedisë në PE.
Kokalari në moshën 32-vjeçare arriti të hynte në Parlamentin Evropian, nën programin e partisë “Moderata”. Ajo bëhet kështu shqiptarja e parë që ulet në këtë parlament.
Ajo ka lindur në Tiranë më 27 nëntor 1986, dhe më pas bashkë me prindërit, motrën dhe vëllain emigruan drejt Suedisë. Alba është mbesa e Musine Kokalarit, një ndër disidentet e para gra ndaj sistemit komunist që në vitin 46.