Monedha euro po forcohet në tregun shqiptar ditët e fundit. Në prag të fundjavës ajo këmbehet me gati 132.5 lekë në pikat e këmbimit valutor, nga rreth 132 lekë që pati zbritur.
Agjentët e këmbimit valutor presin një vlerësim të mëtejshëm të euros në ditët në vijim. Sipas tyre ulja e fluksit të turizmit në fund të gushtit e më tej në shtator do të sjellë më pak euro në treg.
Gjithsesi, agjencitë e këmbimit nuk presin që euro të arrijë në nivelet e mëparshme të këmbimit.
