Sot do të zhvillohen tre sfida të tjera të fazës së grupeve të EURO 2020.
NDESHJET E DITËS SË SOTME NË EURO 2020
HUNGARI-FRANCË | 15:00
PORTUGALI-GJERMANI | 18:00
SPANJË-POLONI | 21:00
Në orën 15:00, në stadiumin “Puskas Arena”, do të luhet takimi i Grupit F, Hungari-Francë. Favorit janë francezët të cilët synojnë suksesin, për tu kualifikuar për raundin tjetër.
Në orën 18:00 në stadiumin “Allianz Arena” do të luhet finalja e parakohshme, Portugali-Gjermani. Kombëtarja luzitane vjen pas fitores ndaj Hungarisë dhe kërkon kualifikimin për më tej ndaj një Gjermanie, që ende nuk e ka arritur suksesin e parë në këtë kompeticion, por do ta tentojë sot për t’i mbajtur ende gjallë shpresat dhe për të evituar një dështim të madh. Pak ndryshime priten në kampin portugez në përballjen ndaj Gjermanisë. Me një 4-3-3 klasik, ashtu si ndaj Hungarisë në ndeshjen e parë, portugezët kërkojnë të përballen me “Pancerat”, të cilët kanë nevojë jetike për pikë. Semedo-Pepe-Dias dhe Guerreiro priten të formojnë prapavijën. Ulliam Karvahjo dhe Danilo Pereira në mesin e fushës të ndihmuar nga Bruno Fernando dhe Bernando Silva, të cilët do të jenë gjithashtu në mbështetje të sulmit, që do të formohet nga Diogo Jota dhe Krtistiano Ronaldo. Ylli i Atletikos së Madridit, Xhoao Feliks, pritet ta nisë edhe një herë ndeshjen nga stoli, ashtu si ndaj Hungarisë. Për skuadrën e Portugalisë nuk do të mungojë asnjë lojtar, me përjashtim të Zhoao Kanseloës, i cili nuk u përfshi në grumbullim për shkak se rezultoi pozitiv me COVID.
Në orën 21:00 do të zhvillohet në stadiumin “Estadio de La Cartuja” të Sevijas, sfida Spanjë-Poloni, e vlefshme për Grupin E. Spanja në ndeshjen e parë barazoi pa gola ndaj Suedisë dhe kërkon triumfin e parë në këtë turne, kjo vlen edhe për kombëtaren polake e cila synon fitoren e parë me një kundërshtar jo të lehtë siç janë iberikët.
