21:00: Belgjikë – Portugali (Sevilje)
Ndeshja e dytë e ditës, ajo e orës 21:00 ka të gjitha predispozitat për të qenë një spektakël atëherë kur Belgjikës i janë kthyer titullarët në formë të mirë. “Djajtë e Kuq” kanë fituar të tre përballjet e Grupit B ku dukeshin të pandalshëm në sulm, me Kevin De Bruyne (një gol, dy asistime) dhe Romelu Lukakun (tre gola) veçanërisht të pamëshirshëm. Belgët kanë pësuar vetëm një herë deri më tani, megjithëse pjesa e tyre e prapavijës tani do të përballet me provën më të vështirë kundër golashënuesit serial, Cristiano Ronaldo-s.
Sulmuesi i Portugalisë është shënuesi më i mirë në turne me pesë gola pas dopietës së tij në barazim me Francën, duke e çuar totalin e golave në kampionatet europiane në 14. Pas fitores kundër Hungarisë dhe një humbjeje të rëndë kundër Gjermanisë, Portugalia arriti në këtë fazë si një nga ekipet më të mira të vendeve të treta, duke sjellë ‘déjà vu’ të fushatës së tyre triumfuese të 2016-ës. A do të përsëritet historia?
Belgjika ka një seri me 13 fitore në ndeshjet e europianit, duke përfshirë kualifikueset, teksa shënuar 47 gola dhe ka pësuar vetëm katër. Vetëm një fitore i mungon që të barazohet me rekordin e vendosur nga Gjermania midis 2010-ës dhe 2012-ës.
Skuadra që fiton ndeshet me Italinë në çerekfinale.
Formacionet e mundshme:
- Belgjika: Courtois; Alderweireld, Vermaelen, Vertonghen; Meunier, De Bruyne, Witsel, T. Hazard; Carrasco, Lukaku, E. Hazard
- Portugalia: Rui Patrício; Nélson Semedo, Rúben Dias, Pepe, Guerreiro; Palhinha, Renato Sanches, João Moutinho; Bernardo Silva, Ronaldo, Diogo Jota
