Me dy kombëtaret që kanë marrë pikët maksimale nga ndeshjet e tyre të para, fitorja në këtë ndeshje do të ishte e mjaftueshme për të avancuar si për Holandën ashtu dhe për Austrinë. “Oranje” kapërceu frikën në ndeshjen e parë kur Ukraina bëri një rikthim nga 2-0 në 2-2, por në fund aftësia sulmuese holandeze rezultoi shumë e fortë.
Me tre pikë në xhep pas fitores ndaj Ukrainës dhe Matthijs de Ligt përsëri në fushë, atmosfera në kampin holandez është optimiste. “Tulipanët” luajtën futbollin energjik që njerëzit presin prej tyre të dielën.
Frank De Boer:”Matthijs de Ligt do ta nisë nga fillimi. Ai është stërvitur mirë ditët e fundit. Ka marrë pjesë në gjithçka dhe është gati. Kur është kaq nxehtë [30 °C], nuk ka nevojë të bësh presing gjatë gjithë kohës, por gjen mënyra të tjera për të krijuar shanse. Austria është rritur prej shumë vitesh. Ata kanë unitet dhe janë shumë të vështirë për t’u mposhtur “.
Formacionet e mundshme:
Holanda: Stekelenburg; Dumfries, De Ligt, De Vrij, Blind, Wijndal; F de Jong, De Roon, Wijnaldum; Depay, Weghorst
Austria: Bachmann; Lienhart, Alaba, Hinteregger; Lainer, Laimer, Sabitzer, Grillitsch, Ulmer; Baumgartner, Kalajdzic
