18:00: Holandë – Republika Çeke (Budapest)
Holanda sigurisht që do ta fillojë këtë ndeshje si favoritë pasi kaloi Grupin C me tre fitore. Pasi humbi si EURO 2016-ën ashtu edhe Kupën e Botës FIFA 2018, portokallinjtë lanë përshtypje të mirë në këtë rikthim në skenën ndërkombëtare dhe e mbyllën si sulmi më i mirë në fazën e grupeve me tetë gola.
Georginio Wijnaldum shënoi tre prej tyre, edhe dy herë “Lojtari i Ndeshjes”, Denzel Dumfries rezultoi gjithashtu një ‘tmerr’ për mbrojtjet kundërshtare duke shënuar dy gola.
Holandezët do të duhet të japin më të mirën e tyre edhe një herë për të mposhtur një ekip të fortë si Republika Çeke. Pavarësisht se skuadra e Jaroslav Šilhavý-t ishte një nga skuadrat më të mira të vendeve të treta, ata mbajtën rrjetën e paprekur në fitoren e tyre të parë 2-0 kundër Skocisë., barazuan 1-1 me Kroacinë dhe u mundën ngushtë nga Anglia në Grupin D. Sulmuesi Patrik Schick ka treguar se edhe ai mund të jetë vendimtar.
Šilhavý ishte ndihmës trajner kur Republika Çeke u kthye nga dizavantazhi 2-0 për ta mposhtur në fund Hollandën 3-2 në fazën e grupeve në EURO 2004, megjithëse e vetmja përballje e mëparshme me eliminim midis kombëtareve ishte në 1976-ën kur fitoi Çekosllovakia gjysmëfinalen 3-1 pas kohës shtesë.
Formacionet e mundshme:
- Holanda: Stekelenburg; Dumfries, De Ligt, De Vrij, Blind, Van Aanholt; De Jong, De Roon, Vijnaldum; Depay, Malen
Jashtë: L. De Jong (gjuri)
- Republika Çeke: Vaclík; Coufal, Čelůstka, Kalas, Kadeřábek; Souček, Holeš; Masopust, Barak, Jankto; Schick
Dyshim: Sadílek
Pezulluar: Bořil /TIRANA TODAY
