Në grupin F të Euro 2020, Franca, fituese e Kupës së Botës 2018, do të përballet me kampionët e botës në 2014-ën, Gjermaninë, ndërsa kampionët në fuqi të Evropës Portugalia do të ketë mbaruar ndeshjen e saj me Portugalinë.
Kjo ndeshje shumë mirë mund të kishte qenë finale e Kampionatit Evropian. Franca dhe Gjermania kanë së bashku pesë trofe në këtë kompeticion, dhe së bashku me Spanjën janë të vetmet kombëtare që kanë fituar Evropianin më shumë se një herë.
Kjo do të thotë që Grupi F në Euro 2020 – i cili gjithashtu përfshin Portugalinë e Ronaldos dhe Hungarinë fatkeqe – mund të sjellë direkt eleminimin e një kombëtareje të madhe.
Kjo ndeshje është mundësia që të dy trajnerët, si Didier Deschamps dhe Joachim Loë të vetëshpallin ekipet respektive si pretendent që në fillim të turneut.
Në takimet e mëparshme mes dy kombëtareve
- Franca ka fituar 14 ndeshje
- Gjermania 10
- 7 ndeshje janë mbyllur në barazim.
Informacionet e fundit nga dy kampet:
Lajmi kryesor nga kampi francez mbetet dilema e Didier Deschamps; nëse ky do të vendosë për të filluar më Karim Benzemanë të grumbulluar pas shumë vitesh me kombëtaren apo me fituesin e Kupës së Botës Olivier Giroud.
Gjermania pothuajse me siguri do të mirëpresë rikthimet eThomas Muller dhe Mats Hummels përsëri në formacionin startues, por mbetet të shihet nëse do të ketë vend të mjaftueshëm për dyshen e Çelsit Kai Havertz dhe Timo Werner.
Formacionet e mundshme:
Franca: Lloris, Pavard, Varane, Kimpembe, Hernandez, Kante, Pogba, Rabiot, Griezmann, Benzema, Mbappe.
Gjermania: Neuer, Ginter, Hummels, Rudiger, Kimmich, Gundogan, Kroos, Gosens, Havertz, Muller, Gnabry.
Përgatiti Totila Kotorri- Tirana Today
