Përfundon ndeshja e grupit D në “EURO 2020”. Kroacia dhe Çekia janë ndarë në paqe, teksa i kanë mbyllur 90 minutat e kësaj sfide, në barazim 1-1.
Çekët befasuan kroatët, teksa gjetën golin e avantazhit në minutën e 37 me Patrik Shik. Arbitri akordoi 11 metërsh, pas një goditje me brryl të Lovren ndaj Shik, brenda zonës së rreptësisë, dhe pasi u konsultua edhe me pamjet e ofruara nga VAR.
Sulmuesi i Leverkusenit, që ka shënuar 3 gola deri tani në Europian, bashkë me këtë sot nga pika e bardhë, mori edhe ndihmën mjekësore dhe goditi penalltinë, ende teksa i rridhte gjak nga hundët.
Kroacia e nisi pjesën e dytë zjarr, duke gjetur menjëherë golin e barazimit në minutën e 47. Një goditje e bukur dhe mjeshtërore nga Ivan Perisiç në hyrje të zonës, që befasoi portierin çek.
