“Tre Luanët” do të jenë plot vetëbesim kur të kthehen në Uembli pas fitores së tyre më të madhe në finalet e një Europiani – një fitore 4-0 kundër Ukrainës ishte fitorja e parë e tyre me katër gola në fazën me eliminim direkt në një turne madhor që nga Finalja e Kupës së Botës 1966. Skuadra e Gareth Southgate është gjithashtu skuadra e parë që rezistoi pesë ndeshje radhazi pa pësuar në fillimin e një Europiani, kështu që është e qartë që Anglia është në gjendje të mirë në të dy skajet e fushës.
Sidoqoftë, Danimarka, “bëri një deklaratë” jo më larg se vitin e kaluar: penalltia e Christian Eriksen në Uembli ishte goli i vetëm i ndeshjeve të këtyre dy ekipeve në dy takimet e tyre në Ligën e Kombeve në vitin 2020. Lojtarët e Kasper Hjulmandit gjithashtu kanë gjetur se si shënohet në kohën e duhur, plot 11 gola në këtë Europian- dhjetë në tre ndeshjet e fundit – duke eklipsuar të dyja skuadrat e tjera në historinë e Danimarkës; ato që arritën gjysmëfinalet e 1984-ës dhe 1992-it.
Gareth Southgate, trajneri i Anglisë: “Ne kemi një mundësi përrallore. Është një mundësi për të bërë histori sepse kurrë nuk kemi qenë në një finale të Kampionatit Evropian. Nuk është një presion i madh për këtë ekip; është sfida e rradhës. Ne luajtëm dy ndeshje me Danimarkën në vjeshtë. Unë e dija që ata ishin një ekip i mirë që më parë dhe ata e provuan edhe një herë në këtë turne. Do të jetë një ndeshje fantastike. ”
Harry Kane, kapiten i Anglisë: “Danimarka është një ekip i shkëlqyer. Vitin e kaluar kemi luajtur dy herë në Ligën e Kombeve dhe nuk kemi fituar asnjë ndeshje, një barazim, një humbje. Por duhet të përpiqemi të përqendrohemi te vetja; është një gjysmëfinale. E dimë që nëse e bëjmë mirë dhe luajmë siç dimë ne, atëherë kemi një mundësi të shkëlqyer për të arritur në finale, do të jetë e pabesueshme “.
Formacionet e mundshme:
Anglia: Pickford; Walker, Stones, Maguire, Shaw; Phillips, Rice; Saka, Mount, Sterling; Kane
Danimarka: Schmeichel; Christensen, Kjær, Vestergaard; Stryger, Højbjerg, Delaney, Mæhle; Braithwaite, Dolberg, Damsgaard
/Tirana Today
