Anglia do të fillojë sot misionin “lavdi evropiane” kur ‘Tre Luanët’ të përballen me një provë të vështirë në Uembli që në ndeshjen e parë kundër Kroacisë.
Shpesh të etiketuar si nënvlerësues të këtij kompeticioni, anglezët do të jenë të vendosur të fillojnë pozitivisht rrugëtimin e tyre nën urdhërat e Gareth Southgate në një përpjekje për të shënuar emrin e tyre në librin e historisë së futbollit europian.
Gjithmonë ekziston një ndjesi që ‘Tre Luanët’ mund të bëjnë shumë më tepër sesa rezultatet e tyre nëpër turnetë madhorë (ka fituar vetëm një Kupë Bote), dhe ata mund të jenë të papërballueshëm në sulm me kontigjentin që kanë. Sidoqoftë, Anglia vjen në UEFA Euro 2020 pas një periudhe solide përsa i përket formës, duke fituar gjashtë ndeshjet e fundit, duke pësuar vetëm një herë.
Nga ana tjetër, Kroacia së shpejti do të hyjë në një periudhë tranzicioni, pasi gjenerata e lojtarëve që i çoi në finalen e Kupës Botërore FIFA 2018 po vjen drejt fundit të ciklit. Kupa Botërore e vitit të ardhshëm mund të jetë raundi i fundit i këtij grupit, por efektet e moshës kanë filluar të shfaqen në rezultate që tani, me ballkanasit që kanë fituar vetëm dy nga nëntë ndeshjet e tyre të fundit.
Në 10 takimet e mëparshme mes dy skuadrave Anglia ka 5 fitore, dy barazime dhe 3 fitore kanë shkuar për Kroacinë.
Formacionet e mundshme:
Anglia: Pickford; Walker, Stones, Shaw; Trippier, Rice, Phillips, Chilwell; Mount, Grealish; Kane
Kroacia: Livakovic; Vrsaljko, Vida, Caleta-Car, Barisic; Brozovic, Kovacic; Rebic, Modric, Perisic; Petkovic
Përgatiti Tirana Today
