Eto’o: Messi ka fuqi mbinjerëzore, pasardhësi i tij është…

Ylli i futbollit kamerunas, por edhe i Interit e Barcelonës është rikthyer të flasë për Lionel Messin dhe atë që mund të jetë pasardhësi i tij. Samuel Eto’o në një intervistë për “France Football” është shprehur se Messi është një lojtarë i madh pasi nuk e ka dëmtuar fama, apo e thënë ndryshe ka ditur ta menaxhojë. Messi është i njëjtë si 14 vite më parë dhe tha se si pasardhës të argjentinasit shikon sulmuesin e Paris SG, Kilian Mbappe.“Mbappe më duket si Messi i ardhshëm nëse do të dijë të menaxhojë situatat dhe të kuptojë se çfarë po ndodh rreth tij. Ka kaq shumë gjëra për t’u marrë parasysh që të ketë një karrierë të madhe që nuk kanë të bëjnë fare me cilësitë e lojtarit në futboll. Shpresoj që një ditë të flas për këtë me Mbappen.Ai mund të frymëzohet nga Leo Messi, pasi ai kishte një fuqi mbinjerëzore dhe këtë e kuptova që në kohën kur isha te Barcelona dhe e shihja teksa rritej. Messi vazhdon t’i bëjë ndeshjet të duken të lehta dhe është i njëjti fëmijë që kisha njohur në 2004 te Barcelona, i respektueshëm dhe me parime. Shumë lojtarë të tjerë do të çmendeshin nëse do të ishin yje të futbollit botëror” është shprehur kamerunasi Eto’o. Lionel Messi dhe Samuel Eto’o kane luajtur së bashku tek skuadra e Barcelonës vite më parë.