Vetëdorëzimi i të ashtëquajturit “Eskobari i Ballkanit” është komentuar ndjeshëm se si ai u vu përballë drejtësisë, ndërsa rreth 14 operacione policore nga viti 2016 kanë dështuar.
Në këtë linjë është pikërisht edhe regjisori i njohur i skenës shqiptare, Pëllumb Kulla, i cili i referohet shumës prej 100 milion lekësh, që policia vuri në dispozicion për këdo që do ndihmonte për kapjen e tij.
Me nota humori, ai shkruan në një postim në Facebook, se këtë shumë e gëzoi vetë Balili, pasi një ditë më parë, në llogarinë e tij është hedhur shuma e premtuar. Po sipas tij, kjo ka qënë ndër arsyet e vetëdorëzimit të Balilit.
