Ish-ambasadori amerikan në Tiranë, Aleksandër Arvizu, është rikthyer pas në kohë, duke kujtuar çastin kur pranoi ofertën për të ardhur në Shqipëri. Në një intervistë për emisionin “Opinion”, ai ka rrëfyer disa detaje pikante, se si ka ardhur propozimi për tu caktuar ambasador në Shqipëri.
Arvizu tregoi se i kishin propozuar dy vende për të shërbyer si ambasador, Shqipëria dhe një shtet tjetër në Europë. Pasi kishte bërë disa kërkime, dhe kishte pyetur disa miq të tij, vendosi të pranonte postin e kryediplomatit amerikan në Shqipëri.
“Më thanë për të shkuar në Europë, në Shqipëri dhe në një shtet tjetër.
Më thanë, mendoje dhe na thuaj nesër. Fola me Anën, dhe ajo më tha se zgjedhja më takonte mua. Kërkova në Wikipedia. Fola me disa njerëz. Shumë njerëz me të cilët fola, më thanë është një vend shumë i çuditshëm. Thash me vete; pse jo. Por edhe atëherë nuk ishte e sigurt se isha kandidat. Pak javë më vonë më thanë urime, do të shkosh në Shqipëri”, u shpreh ndër të tjera ish-ambasadori Arvizu.
https://tiranatoday.com/prapaskenat-e-arvizu-ja-pse-zgjodhem-shqiperine/
