Aktorja e famshme amerikane Jennifer Aniston është 50 vjeç mirëpo falë kujdesit të ushtruar ndaj vetes ndër vite, ajo duket sikur është në të njëzetat e saj.
Vlen të theksohet se Aniston asnjëherë nuk ka kryer ndërhyrje në fytyrë apo trup, por gjithnjë është treguar e kujdesshme në ushqim si dhe rregullisht ka kryer aktivitet fizik. Për “Radio Times” ajo ka deklaruar se për ta mbajtur trupin në formë, ndalon së ushqyeri në orën 6 të pasdites. Sigurisht, kjo ndodh në shumicën e ditëve të javës dhe jo në të gjitha.
Sipas saj, koha ideale për t’u ushqyer është nga ora 10 e paradites, deri në orën 6 të pasdites. Meditimi po ashtu zë një vend të rëndësishëm në jetën e aktores. Ajo ka rrëfyer se mediton herë pas here dhe po ashtu në 6 ditë të javës bën palestër.
