Detaje të reja zbulohen nga sherri i së enjtes së 4 tetorit në zonën e ish-Bllokut. Nga përplasja ndërroi jetë i riu Fabian Gaxha dhe mbetën të plagosur Ervis Martinaj dhe Eljon Hato. Konflikti lindi mes këtij grupi dhe të dashurit të këngëtares Elvana Gjata. Ervin Mata, i dashuri i këngëtares kishte qenë në tavolinë bashkë me disa shokët të tij. Si fillim grupi i Ervin Matës është përplasur verbalisht me grupin e Ervis Martinajt.
Edhe pse është ende e paqartë se sa e përfshirë ka qenë këngëtarja në këtë ngjarje, dje ajo është shpallur në krim nga policia. Me herët këngëtarja ka dhënë dëshminë e saj në Policinë e Tiranës dhe është lënë e lirë. Por, një ditë më parë ajo është shpallur në kërkim. Gjithashtu në kërkim janë shpallur edhe i dashuri i saj Ervin Madhe dhe dy miqtë e tij Fabio Allushi, dhe Mevjol Bilo.
Martinaj në dëshminë e tij ka mohuar se ishte planifikuar një përplasje apo një sherr me armë mes dy grupeve.
“Ervin Mata është një dele. Ai tani do të jetë në një copë dhomë, duke pirë. Unë nuk kam asnjë lloj konflikti me të. Por, do të flas me babanë e tij dhe do t’i them të vijë të sqarojë”. Këto janë fjalët që ka thënë ndër të tjera në dëshminë e tij Ervis Martinaj.
DESHMIA E MARTINAJT
“Unë e njihja prej kohësh si komandon, ashtu edhe Ervin Matën. S’kemi pasur konflikte me njëri-tjetrin. Nuk shkuam për t’u vrarë, por për t’u sqaruar. Nëse do donin të më vrisnin, unë do isha i vdekur sot. Pasi u plagosa pa dashje në qafë dhe truprojat e mi u vranë. Por komando nuk qëlloi mbi mua. Edhe pse unë isha i shtrirë. Plumbi më kapi pa dashje. Sherri nuk ka ndodhur për asnjë femër, sepse nuk vuaj unë për to që të shkoj të vritem për ato.
Nuk u ulëm në një tavolinë ku ndodhej Mata, pasi kishte 1 orë e gjysmë që më priste, sepse unë u ula në banak, kështu e kemi kodin tonë. Dhe jemi gërricur me sy, dy truprojat e mi me komandon. Më pas, vjen Gaxha me një tjetër roje dhe godasin me qytën e pistoletës komandon.
Pasi u bëj me shenjë: “Çohuni dhe lëreni”, Gaxhës i shkrepi pistoleta pa dashje në ajër, këtu ndërhyri komando që i vret. Pavarësisht tensionit që ekzistonte, shkak për degradimin e situatës dhe vrasjes është bërë ndërhyrja e menjëhershme e Fabian Gaxhajt dhe e një personi tjetër që kanë qëlluar komandon Mevjol Billo dhe më pas shkrepja e armës pa dashje nga Gaxhaj.
