Mbrëmjen e djeshme është mbajtur nata e parë e festivalit të fundvitit. I ftuar special ka qenë Ermal Meta. Ai këndoi live me orkestrën e Radio Televizionit Shqiptar, dy këngët e tij më të njohura “Non mi avete fatto niente” dhe “Piccola Anima”, duke emocionuar mijëra fansa që ishin të pranishëm në sallë.
Këngëtari i mirënjohur risolli këngën e njohur të Anita Takes; “Në bankat e shkollës moj mike”, të cilën e këndoi live në skenë së bashku me Ana Gojlën, prezantuesen e festivalit të këtij viti.
Ai së bashku me këngëtaren kanadeze me origjinë shqiptare, ‘folën’ shqip përmes këngës së njohur, duke ngritur në këmbë gjithë të pranishmit në Pallatin e Kongreseve.
