Kreu i Bashkisë së Tiranës, Erion Veliaj ka qenë i pranishëm gjatë prezantimit të fondit të komuniteteve. Gjatë fjalës së tij, Veliaj preku një nga pikat më të diskutuara, siç është sekuestrimi i mallit të shitësve ambulantë nga policët bashkiakë.
“Ka plot nga ata që më thonë se pse sillet kaq keq me ambulantët ky Erioni që ka shitur fiq vetë. Nuk është kështu, nëse lagja ime ka pazar, pse para shtëpisë time duhet të jenë këta shitës. Institucioni i sevapit nuk e zgjidh këtë punë për kohë të gjatë. Ne kemi plot tezga bosh në Pazar”, tha Veliaj duke theksuar sërish se zgjidhja e vetme është shitja në tezgat e pazareve.
