Kreu i Bashkisë së Tiranës, Erion Veliaj është bërë sot baba për herë të parë. Mësohet se bashkëshortja e tij, Ajola Xoxa ka sjellë sot në jetë djalin e tyre. Foshnja peshonte 3 kg e 400 gram, ndërsa sipas “BalkanWeb” lindja është kryer në maternitetin “Mbretëresha Geraldinë” në kryeqytet dhe si nëna dhe fëmija janë mirë.
Pak muaj më parë, kryebashkiaku kur fliste për pritjen e fëmijës do të shprehej me emocione:
“Më ka transformuar. Edhe pse kam qenë shumë i ndjeshëm për fëmijët. Kam qenë shumë i vëmendshëm, por tani jam bërë disa herë më shumë. Sot, kur po vija në punë, tek Sheshi Wilson ku po bëhen disa punime për uljen e trotuarit, po thoja me vete ‘karroca kalon këtu’? Kam filluar të vë re shumë gjëra të vogla që ndoshta i vinin re vetëm ata me fëmijë. Kështu që, si Erion, besoj se fëmija do të më bëjë njeri më të mirë”.
