Danimarka është ekipi i 30 dhe i fundit nga Kontinenti i Vjetër që i bashkohet finaleve të Botërorit që do të zhvillohet në Rusi në vitin 2018. Danezët kanë arritur të triumfojnë me rezultatin 1-5 në Dubin, përballë Irlandës. Ky ishte një rezultat befasues pas atij barazimi në sfidën e parë në Kopenhagen.
Irlanda edhe pse kaloi e para në avantazh dhe dukej se po dominonte në fushë nuk i kishte fuqitë për të përballuar këtë Danimarkë kaq të etur për të marrë pjesë në një kmpeticion kaq të rëndësishëm pas mungesës në Euro 2016. Është një Eriksen i ringjallur nga ajo ndeshje e parë dhe vjen në këtë ndeshje me një tregolësh, i cili vendos këtë sfidë.
Janë vendasit që gjejnë rrugën e rrjetës që në minutën e 6′ me anë të Duffy, pas një dalje të gabuar të portierit Rudolph. Ky gol solli qetësinë tek “bardhjeshilët” dhe ulën ritmin, gjë që i ndëshkoi shumë shpejt.
Pas ekzekutimit të një goditje dënimi në minutën e 29′, Sisto depërton mjaft mirë nga e majta dhe hedh një top mjaft të rrezikshëm në zonë, që pas devijimit të Christiensen përfundon në rrjetë.
Ndërsa 3′ minuta më vonë danezët zbresin në një kundërsulm dhe janë në epërsi numerike, kjo bën që Jorgensen të gjejë mjaft mirë Eriksen në të majtë i cili godet pa u menduar dhe topi përplase në traversë, pastaj prek rrjetën. Një gol mjafti bukur që sjell një festë të madhe tek tifozët danezë të ndodhur në “Aviva Stadiun”.
Pjesa e dytë fillon me të njëjtin ritëm me një Danimarkë më të kujdesshme dhe që dilte në sulm rrjedhshëm. Është sërish Eriksen që shënon një gol mjaft të bukur nga jashtë zone në minutën e 63′ për ti dhënë fund këtij takimi dhe për të siguruar kualifikimin.
Eriksen nuk di të ndalet dhe gjen sërish rrugën e rrjetës pas një gabimi të mbrojtësit irlandez i cili e stopon topi dhe e le në zonë. Aty afrohet Eriksen që godet shumë fort dhe topi ndalon në rrjetë.
Irlanda nuk kishte forcë për të reaguar dhe duket e dorëzuar, në minutat e fundit në lojë inkuadrohet edhe sulmuesi Benderm i cili në ato pak minuta bëhet protagonist duke fituar një 11-metërsh dhe duke e kthyer në gol. Ky gol vulos rezultatin përfundimtarë të takimit duke e çuar në 1-5 dhe Danimarka fluturo për në Rusi.
