Rexhep Tajip Erdogan , presidenti i Turqisë ka shpërthyes ndaj Shteteve të Bashkuara për qëndrimin që janë duke mbajtur në lidhje me rastin Fethullah Gulen. Erdogan akuzoi për mungesë sinqeriteti Uashingtonin lidhur me refuzimin për ta ekstraduar imamin, të cilin Ankaraja zyrtare e akuzon si organizator të tentativës për grusht shteti në korrik 2016.
“Për fat të keq, SHBA vazhdon të veprojë me pandershmëri”, tha presidenti turk për ‘A Haber’, duke shprehur zhgënjimin në qëndrimin jokonstruktiv, sipas tij, të Uashingtonit në këtë rast.
Pas përpjekjes së grushtit të shtetit në vitin 2016, autoritetet e Turqisë kanë arrestuar mijëra gazetarë, diplomatë, gjyqtarë, anëtarë të ushtrisë dhe aktivistë të të drejtave të njeriut, duke i akuzuar ata se kanë luajtur rol në tentativën për grusht shteti dhe për marrëdhënie me Gulen.
Ankaraja ka kërkuar vazhdimisht që Gulen të ekstradohet nga Shtetet e Bashkuara. Në dhjetor, ministri i Jashtëm turk, Mevlüt Çavuşoğlu, deklaroi se Donald Trump i kishte thënë Erdogan se autoritetet amerikane po shqyrtonin ekstradimin e Gulen.
Megjithatë, Shtëpia e Bardhë ka argumentuar se Uashingtoni nuk është pajtuar për këtë.
