Presidenti i Turqisë Recep Tayyip Erdogan komentoi tensionin e krijuar mes SHBA dhe Koresë së Veriut dhe shpreson që kërcënimet mes dy vendeve nuk do të shndërrohen në një konflikt të vërtetë. “Rreth 16 vende në botë kanë arritur një nivel serioz për sa i përket zhvillimit të armëve bërthamore. Në mesin e tyre janë 3 vende të cilat posedojnë potenciale të mëdha në armatimin bërthamor. Ne shpresojmë se kërcënimet mes SHBA dhe Koresë së Veriut nuk do të shndërrohen në një konflikt të vërtetë, i cili mund të mos kufizohet vetëm mes të dy vendeve”, tha Erdogan.
Erdogan sqaroi se tensioni i përjetuar kohët e fundit mes SHBA dhe Koresë së Veriut nuk do të ndikojë në ekonominë dhe tregjet turke.
“Unë nuk jap asnjë mundësi që ky konflikt do të ndikojë tregjet dhe ekonominë tonë. Por nuk duhet të lëmë pa përmendur që vende të cilat janë shprehur vazhdimisht kundër armatosjeve nukleare, i shikojmë teksa kërcënojnë me armë të tilla. Kërcënime të tilla na bëjnë neve të mendojmë seriozisht në këtë drejtim”, u shpreh Erdogan
