Presidenti i Turqisë, Recep Tayyip Erdoğan, ka paditur redaktorin e gazetës greke “Dimokratia”, për shkak të titullit të faqes së parë.
Lajmi kryesor i ditës së premte në këtë gazetë mbante një ofendim ndaj Erdoganit në gjuhën turke, ku shkruhej “Siktir git Mr. Erdogan”. Ndërsa te fotoja e presidentit turk ishte edhe mbishkrimi “F*ck you”.
Nga ana tjetër, Ministria e Jashtme greke e ka dënuar botimin e gazetës me anë të një deklarate, duke nënvizuar:
“Liria e shprehjes dhe liria e shtypit janë plotësisht të garantuara në Greqi. Ky fakt nuk e mohon detyrimin për të abstenuar nga fyerjet ndaj ndonjë personi, aq më tepër ndaj udhëheqësve të huaj. Përdorimi i shprehjeve fyese është i dëmshëm për kulturën politike të vendit tonë dhe i dënueshëm”.
