Autoritetet turke kanë lëshuar një urdhër-arrest për 70 ish punëtorë të ministrisë së Financave, me akuzën e lidhjeve të mundshme me tentativën e dështuar për grushtin e shtetit.
Turqia akuzon Fethullah Gulen, për organizimin e puçit të dështuar në korrik të 2016-tës. Gulen hedh poshtë akuzat për përfshirje. Që nga tentimet e dështuara të puçit, rreth 150,000 persona janë pezulluar apo suspenduar nga puna, në sektorin publik apo privat, ka transmetuar CNN.
Me akuzën e dyshimeve për lidhje me grushtin e shtetit janë ndaluar më shumë se 50,000 persona. Grupet për të drejtat e njeriut, dhe disa aleatë Perëndimor të Turqisë, janë alarmuar. Ata kanë shprehur shqetësimet se qeveria është duke përdorur çështjen e puçit, si pretekst për të shuar zërat e kundërshtarëve.
Qeveria e justifikon situatën duke i cilësuar këta hapa të domodsoshëm për shkak të kërcënimeve me të cilat po përballet vendi.
