Vjen data e shumëpritur nga europianët për fillimin e vaksinimit kundër Covid-19.
Megjithëse nuk ka ende dritë jeshile nga Agjencia Evropiane e Barnave (EMA), vaksinimet në Evropë kundër Covid-19 do të fillojnë në 27 Dhjetor.
Presidentja e Komisionit Evropian, Ursula von der Leyen njoftoi datën e nisjes së vaksinimit, dy ditë pas Krishtlindjeve.
”Është momenti i Evropës. Më 27, 28 dhe 29 Dhjetor do të fillojë vaksinimi në të gjithë BE-në. Ne i mbrojmë qytetarët tanë së bashku. Ne jemi më të fortë së bashku’’, shkruan Presidentja në rrjetin social, Twitter.
It’s Europe’s moment.
On 27, 28 and 29 December vaccination will start across the EU.
We protect our citizens together. We are #StrongerTogether#EUvaccinationdays pic.twitter.com/6VxDumysBL
— Ursula von der Leyen (@vonderleyen) December 17, 2020
Pritet tashmë një dritë jeshile nga autoriteti rregullator ndërsa vaksina Pfizer-Biontech është autorizuar nga Britania e Madhe, Kanadaja dhe Shtetet e Bashkuara.
