Tashmë është zbardhur e gjithë dinamika e grabitjes me dhunë gjatë mesnatës në Vermosh. Persona të armatosur kanë dhunuar e më pas grabitur burrë e grua, të cilët kanë konfirmuar se u’a kanë marrë të gjitha kursimet. Grabitja ndodhi gjatë mesnatës së djeshme në banesën e shtetasit Tom Tinaj në Vermosh.
Përmes një deklarate për media nga spitali, bashkëshortja Miri Tinaj, 58-vjeçe, ka treguar se autorët pas grabitjes, kanë marrë mjetin e tyre, të cilën më pas e ka gjetur policia. 58-vjeçarja ka thënë se kishin të ardhura, pasi bashkëshorti kishte marrë kursimet e pensionit. Po kështu kanë të ardhura nga djemtë, por edhe nga shitja e prodhimeve të tyre. “Kena qenë në shtëpi me burrin. Kena ndejtur deri në 1 duke folur me fëmijët tanë. Unë shkova për të fjet pak më përpara, ai ndejti dhe pak. Në orën 1 e pak erdhi për të fjetur. Krisi diçka.
Kanë ardhur dy persona të maskuar dhe me automatikë në duar. Kanë lidhur burrin te parin, dhe unë qëndrova më shumë por me pas më rrahën dhe më lidhën edhe mua.
Më thanë ku i keni paratë. Ne i thamë qe nuk kemi, por ata na dhunuan dhe pastaj i treguam. Kanë marrë paratë dhe më pas janë larguar, duke na lënë te lidhur. Unë jam dëmtuar më shumë, ndaj edhe kam ardhur ne spital. Kemi qëndruar për rreth një orë e gjysmë të lidhur, dhe unë kam ecur duke u zvarritur deri sa kam shkuar në kuzhinë.
Aty kam marrë një thikë dhe jam liruar. Kam njoftuar komshinjtë dhe me pas edhe policinë. Policia duke ardhur rrugës, ka hasur me automjetin e aksidentuar që na kanë marrë autorët nga oborri i shtëpisë. Ne kemi pasur goxha para, sepse ka marrë burri kursimet e pensionit. Lekët qe na kanë sjell djemtë plus edhe kemi punuar duke shitur prodhimet tona. Pasi kane marrë paratë dhe sendet e argjendta, janë larguar”, tha gruaja.
