Këngëtarja Eranda Libohova ka folur me detaje rreth jetës së saj private, teksa ishte e ftuar në emisionin “Silouette” të Gerta Gixharit.
Edhe pse zakonisht është rezervuar për jetën e saj, ajo këtë herë ka vendosur të flasë për të dhe të tregojë më tepër për marrëdhënien me motrën e saj, Irmën.
Fillimisht, Eranda ka folur se është lënduar një herë të vetme, teksa personi i saj i zemrës ka ikur në Amerikë. Gjatë kësaj kohe këngëtarja ka treguar se qante teksa dëgjonte Toni Braxton.
Më tej, këngëtarja ka folur për marrëdhënien me motrën e saj Irmën, ku është shprehur se nuk janë shumë të lidhura me njëra-tjetrën dhe ndoshta për këtë ndikon edhe diferenca e moshës.
“Me shoqen time konfidohem më shumë se sa me Irmën. Me motrën kam 10 vite diferencë dhe nuk e kam ndjerë që të flas për jetën time private. Flasim për shumë gjëra të tjera, mbase familjarët të shohin me syrin kritik, duan të të shohin të përsosur, ndoshta nuk i pranojnë edhe gabimet dhe kjo ndoshta më ka bërë mua të jem më e tërhequr”, ka thënë ajo.
