“Top Channel” ia ka besuar Eneda Tarifës prezantimin e sezonit të dytë të talent show-t “Top Talent”. Mësohet se këngëtaren e njëkohësisht moderatoren do ta shohim në një dimension tjetër, dhe shumë afër secilit prej konkurrentëve që do të jenë pjesë e show-t.
Eneda do të zërë vendin e prezantuesit Kelvi Kadilli në sezonin e dytë të programit “Top Talent”. Prej disa javësh, ajo ka nisur punën me stafin realizues për të dhuruar emocione.
Aplikimet për talent show-n kanë nisur, dhe do të jenë të hapura deri në datën 20 shkurt. Këtë sezon, përveç kategorive prezantues dhe gazetarë, është shtuar dhe kategoria interpretues në zhanre të ndryshëm.
