Nëse dëshironi që të fluturoni me një taksi, së shpejti ëndrra juaj do të bëhet realitet. Testimi i “taksisë fluturuese” u bë në aeroportin e Virginias, në SHBA. Kompania Boeing ka njoftuar se prototipi i veturës fluturuese, apo siç njihet ndryshe si “taksi fluturues”, është ngritur për herë të parë në qiell duke bërë disa testime. Mjeti në fjalë mund të transportojë në destinacion pasagjerët në një rreze prej 80 kilometra.
Fluturakja e Boeing është ngritur në ajër dhe ka arritur të ulet me sukses në tokë. Taksia fluturuese është e gjatë 9 metra dhe 8 metra e gjerë. Falë motorit elektrik mund të operoj pa bërë as zhurmën më të vogël.
