Ka përfunduar takimi mes zyrtarëve të Lidhjes Demokratike të Kosovës dhe Lëvizjes Vetëvendosje. Këto dy parti kanë bërë të ditur që takimi i radhës do të jetë nesër.
Avdullah Hoti nga LDK theksoi se janë dakordësuar që të vazhdojnë takimet mes tyre. Nga ana tjetër, edhe Glauk Konjufca nga LVV-së u shpreh se do të vazhdojnë me takime, pasi kanë parë avancim të raporteve.
“Ishte një takim shumë i rëndësishëm, në përpjekje të gjetjes së një marrëveshje të përbashkët për koalicionin qeverisës. Ngase kemi parë avancim të pozicioneve, u pajtuam që takimet të jenë më të shpeshta”, ka thënë Konjufca. Ndërsa shpreson që brenda këtyre dy javëve do të përfundojë marrëveshja me LDK-në.
