Ambasadori amerikan, Donald Lu ka mbërritur sot në Kryeministri, ku do të zhvillojë një takim me kryeministrin Rama.
Ky takim vjen pas neglizhencës së prokurorëve dhe politikanëve për kapjen e të ashtuquajturve “peshq të mëdhenj”, paralajmëruar nga ambasadori amerikan se do të ndodhte gjatë janarit.
Ndërkohë, sot është zhvilluar edhe një takim mes ministrit të Brendshëm, Fatmir Xhafaj dhe Prokurores së Përgjithshme Arta Marku.
Më herët, Lu reagoi për moskapjen e drejtuesve të grupeve kriminale, teksa shkroi në një postim: “Politikanëve, policëve dhe prokurorëve: ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak.”
