Dy dekada më parë një ngjarje e rëndë ka tronditur Italinë, ku një 18 vjeçare shqiptare, Laureta Josifi, me origjinë nga Elbasani ishte vrarë dhe djegur pasi kishte kundërshtuar tutorët të cilët po e shfrytëzonin si prostitutë. Ngjara e rëndë ka ndodhur mes të hënës dhe të martës më 25-26 maj të vitit 1998.
Ndërsa në Itali një grup njerëzish janë mbledhur për të përkujtuar 20-vjetorin e vajzës së re e cila u masakrua në luftë për të mbrojtur të drejtat e saj.
Ndërsa vetëm në vitin 2011, Policia e Barit ka mundur të arrestojë një shqiptar i cili sapo kishte zbritur nga trageti. Asi ishte i dënuar për vrasjen dhe djegien në maj të 1998-ës të një 18-vjeçares shqiptare, Laureta Josifi, që kishte guxuar të rebelohej kundër bandës së përbërë prej rreth dhjetë shqiptarësh që e kish detyruar të prostituonte.
Në pranga në atë kohë ka rënë Selaudin Koçi, 42 vjeç, i dënuar nga gjykata e Luccas me 8 vjet heqje lirie për veprat penale të bashkëpunimit kriminal me qëllim shfrytëzimin e prostitucionit dhe për dhunimin kufomës, dënim ky që i është ulur në 4 vjet e gjysmë falë një dekreti për reduktimet e dënimeve. Koçi ishte arrestuar për herë të parë më 1 qershor 1999 në Pisa, por në skadim të afatit të paraburgimit, sapo ishte lënë i lirë në 1 dhjetor të të njëjtit vit, ishte larguar drejt Shqipërisë pa lënë asnjë gjysmë.
Më në fund në datë 9 qershor të viti 2011 u arrestua nga policia e kufirit teksa përpiqej të hynte në Itali përmes portit të Barit. Gjatë kontrollit në kufi Koçi kishte paraqitur dokumente me një emër të ndryshëm nga i vërteti; por sinjalizimi i skuadrës së ndërhyrjes së shpejtë të Luccas, që i kishte komunikuar kolegëve puljezë edhe pseudonimin e tij, mundësoi ndalimin e 42 vjeçarit.
Për vrasjen e vajzës shqiptare, të njohur asokohe si “Biondja e Marlia-s”, në fund të prillit të vitit 2011 agjentët e Komisariatit të Montevatini Terme kanë arrestuar edhe Nikolin Malcin, 41 vjeç, në kërkim prej dhjetë vjetësh sepse duhet të shlyejë dënimin me 5 vjet e gjysmë për veprën penale të shkatërrimit të kufomës dhe shfrytëzimit të prostitucionit.
Por tani pas 20 vitesh qytetarët italiane kanë kujtuar ngjarjen e rëndë dhe kanë shkuar tek vendi në të cilin në atë kohë është gjetur trupi i masakruar i shqiptare dhe kanë vendosur një kryq por edhe lule.
Kjo ngjarje ishte gjithashtu një mundësi jo vetëm për të kujtuar Laureta, për të reflektuar mbi çështjen e vrasjes sët femrave, problem i cili ende nuk ka arritur zgjidhej edhe në shoqëritë më demokratike.
Burimi: Lagazzettadilucca.it
Përktheu: Tirana Today
